بسمة وهبة مدافعة عن عمر زهران: مات من جواه واستحمل الظلم

دافعت الإعلامية بسمة وهبة، عن المخرج عمر زهران والمسجون حاليا على ذمة التحقيقات بتهمة سرقة مجوهرات زوجة المخرج خالد يوسف.

وقالت بسمة وهبة، في مقطع فيديو لها عبر حسابها الرسمي على “إنستجرام” “أنا تعبانة، أنا مش عارفة أنام، لإن إحساس إن في حد مظلوم وممكن يتحبس صعب، وكان أستاذي وبيعلمني، واللي علمك، وابتديت معاه أول حلقة في حياتي، إنه نازل والكلبشات في إيديه، إيه الغل اللي ممكن يكون جوا البني آدم، يخليه يعمل في حد كدا”.

وأضافت "إذا في حد عايز عمر يموت فعمر مات خلاص، عمر مات من جواه، وأنا مبعرفش استحمل الظلم على حد وعمر زهران أنبل انسان في الدنيا، ودخل بيوت ناس كتيرة، مش عرب بس ومصريين كمان شرفاء محترمين أغنياء وعندهم مجوهرات وعندهم فلوس، والفنانة الراحلة سهير البابلي كان جوزها جواهرجي، وكانت ما شاء الله حبيبتي بتلبس ألماظات كتيرة، اشمعنا أنتِ اللي هيسرقك، لي تعملي فيه كدا، ما تسيبيه في حاله، وتحلي مشاكلك بعيد عنه، بلاش الانتقام دا الانتقام دا وحش جدا".

واستكملت وهبة “دخلتي المجوهرات مصر إزاي، حضرتك أثبتيهم على الباسبور، أي أجنبي ملوش إلا 10 آلاف دولار، ولو معاكي حاجة زي كدا تثبتيها على الباسبور، حضرتك أثبتيها يا فندم، ولا دا يعتبر تهريب، ثانيا بلغتي عن المسروقات ومنزلة لينا صور من على النت طيب ما تجيبي لنا صورك كدا وأنتِ لبساها”.

وانهت حديثها قائلة:" "وبعدين حضرتك مدياله مفتاح البيت، وإحنا عمرنا ما ندي مفتاح لحد إلا لما نكون واثقين فيه ومرينا بتجارب معاه خلتنا نثق فيه أي اللي خلى اليومين دول تحصل القلبة دي".