عبير صبري تكشف سر صداقتها القوية بريهام حجاج

كشفت الفنانة عبير صبري عن علاقتها القوية وما تربطها من صداقة بالفنانة ريهام حجاج.

وقالت عبير صبري خلال لقائها في برنامج "كلاكيت" مع لينا الطهطاوي عبر إذاعة وقناة "نجوم FM": "ريهام حجاج صديقتي الصدوقة في الوسط الفني، أنا لأول مرة يكون عندي صديقة بمعنى كلمة صديق في الوسط الفني هي ريهام حجاج، لأنها إنسانة جميلة".

وتابعت عبير صبري: "الناس بتقولي عشان بتشتغلوا مع بعض وأنا الكلام ده بالنسبة ليا مش برد عليه لأنه مش المستوى اللي برد عليه، أنا ريهام زي مروة أختي بالنسبة ليا أنا بلجأ لريهام زي مروة، أقولها يا ريهام حصل كذا اتصرف إزاي وهي تقعد تتكلم معايا وتديني وقت طويل ودي حاجة مش سهلة أن حد يديكي وقت طويل ويفكر معاكي ويفكرلك".

وأكملت عبير صبري كلامها عن ريهام حجاج ووصفتها قائلة: "هي شخصية متزنة جدا ومثقفة وعقلانية وجدعة، هي شخصية تساوي وزنها دهب".