سماح أنور تكشف عن رأيها في المساكنة

كشفت الفنانة سماح أنور عن رأيها في مصطلح المساكنة الذي انتشر في الفترة الماضية، وأثار الجدل بالمواقف المختلفة منه.

وقالت سماح أنور خلال استضافتها في برنامج "قعدة ستات"، الذي تقدمه الإعلامية مروة صبري عبر قناة ألفا: "المساكنة كلام فاضي واستهبال وحق يراد به باطل، في حاجة اسمها خطوبة علشان نتقابل كتير وناكل ونشرب ونتخانق، وأقول أنا عايزة إيه في الحياة دي".

وأضافت سماح أنور: "في حاجة مهمة في الجواز، أنا بتجوز بني آدم مش حاجة مفيهاش عيوب".

أوضحت سماح أنور أن فترة الخطوبة فترة مهمة لاكتشاف كل من الطرفين صفات الآخر قبل الزواج قائلة: "لو أنا صادقة في الخطوبة مش عاملة فيها سيندريلا، وهو صادق في الخطوبة مش عامل فيها أحمد عز، هنعرف إحنا ننفع مع بعض ولا لأ".