سماح أنور: كل ما بتروحوا لدكتور التجميل بتزدادوا قبحا

علقت الفنانة سماح أنور على ظاهرة انتشار عمليات التجميل بين جميع فئات الشعب، معبرة عن رفضها لها.

قالت سماح أنور في فيديو عبر حسابها بموقع فيسبوك: "ربنا مخليك في أبهى وأحلى صورة، لكن انت قررت، استغفر الله العظيم، ربنا معملنيش في أحلى صورة ولا حاجة، لأ دكتور التجميل دا هو اللي هيخليني في أبهى صورة، كل ما بتروحوا لدكتور التجميل بتزدادوا قبحا".

وتابعت سماح أنور: أبويا كان بيقول لي كدة زمان، قبل التطور دا كله، كانت أمي مابتعملش الحاجات دي خالص، كانت زي القمر، وكان ناس كتير يقولوا لها ما تعملي رقبتك، وكانت تقول لهم ماينفعش حد يلعب في شغل ربنا ويحسنه لازم هيبوظه، وأنا شايفة كدة لحد انهاردة، كل الناس اللي عملت تجميل أنا شايفة انهم كانوا أحلى مليون مرة،

أحدث أعمال سماح أنور

في سياق متصل، تشارك سماح أنور في بطولة فيلم "فرقة الموت" مع النجم أحمد عز ومن إخراج أحمد علاء الديب، ومن المقرر تجسيدها أحد الأدوار الرئيسية في الفيلم.

فيلم "فرقة الموت" بطولة أحمد عز، آسر ياسين، منة شلبى، محمود حميدة، بيومى فؤاد، عصام عمر، خالد كمال، رشدى الشامى، جيهان الشماشرجى وعدد آخر من الفنانين، والعمل من تأليف صلاح الجهينى وإخراج أحمد علاء الديب، وتدور الأحداث في إطار اكشن مثير ويجسد أحمد عز شخصية ضابط.