سناء منصور: فؤاد المهندس سجل 30 حلقة من غير مقابل

روت الإعلامية سناء منصور عن موقف لا تنساه للفنان الراحل فؤاد المهندس، احتفالا بذكرى ميلاده الـ100.

وخلال برنامجها "السفيرة عزيزة" عبر قناة dmc قالت سناء منصور: "أستاذ فؤاد المهندس كلمته من مونت كارلو كنت مذيعة في راديو مونت كارلو، وقلت له إني عايزاه يعملي فوازير رمضان 30 حلقة، أنزل مصر أسجلها ونذيعها في شهر رمضان في مونت كارلو، سألته طلباتك إيه؟ قالي مليش طلبات تيجي وأسجلك".

وتابعت سناء منصور: "30 حلقة فوازير كتبها الأستاذ نبيل عصمت، وسجلنا بلا أي طلب أو مقابل أو أي شيء".

وأكملت سناء منصور: "قعدت 5 أيام في القاهرة علشان نسجل، وتعبت وقلت له أستاذ فؤاد أنا عيانة مش قادرة أنزل، كنت ساكنة في مصر الجديدة وهو في الزمالك، قالي ولا يهمك أنا هجيلك، كان بيجي يقعد 3 أو 4 ساعات ومعانا أستاذ نبيل عصمت ويسجل الفوازير".

واختتمت سناء منصور حكايتها: "كان إنسان غاية في الرقي والجمال والعظمة، ولن أنسى له في حياتي الخدمة الإعلامية دي، راجل كان بيساندني ويقف في ضهري لأني مصرية زيي زيه".