عصام كاريكا: خليت فؤاد المهندس يغني وهو عنده 82 سنة

تحدث الفنان عصام كاريكا عن تعاونه مع الفنان الراحل فؤاد المهندس في فوازير مدرسة عمو فؤاد، التي مانت تعرض في تسعينيات القرن الماضي.

وأعرب الفنان عصام كاريكا، عن سعادته البالغة بتعاونه مع الراحل فؤاد المهندس في بداية مشواره الموسيقي، وذلك حلال لقاءه في احدى البرامج ، إذ قال: الواحد لما يتحط في تاريخه أنه اشتغل مع الفنان فؤاد المهندس، وأنه غنى من ألحاني فدي حاجة كبيرة وشرف ليا.

وكشف عصام كاريكا، كواليس تعاونه مع الفنان فؤاد المهندس، موضحًا: الأستاذ فؤاد كان بيعمل فوازير اسمها عمو فؤاد وكانت مشهورة أوي في تسعينات القرن الماضي، وقدمها 12 سنة ورا بعض. وكلموني قالولي عايزينك تعمل مزيكا لفوازير فؤاد المهندس.

وأضاف عصام كاريكا: الأستاذ فؤاد كان عمره 82 سنة وقتها، واللي جه في بالي وقتها أنا أزاي أخلي حد عنده 82 سنة يغني والناس تتقبله، والحمدلله عملتله الأغاني ونجحت.

وعن لقاءه بالراحل فؤاد المهندس، أوضح: لما جالي الاستوديو عشان نسجل ونعمل الأغاني كان تعبان جدًا وبيسندوه، ربنا يرحمه كان ومازال أسطورة فنية كبيرة.