إيناس الدغيدي: سعاد حسني انتحرت ومحدش قتلها

كشفت المخرجة إيناس الدغيدي، عما وصلت له الفنانة سعاد حسني قبل رحيلها عن الحياة.

وقالت إيناس الدغيدي خلال لقائها في برنامج "القرار" من تقديم نادية الزعبي عبر قناة "الغد": "سعاد حسني انتحرت وأنا ضد مقولة أن حد يقتلها لأنها كانت شخصية جميلة من جوا، سعاد حسني من كتر الضغط والعمل في الفن كانت بتاخد مهدئات من وهي عندها 44 سنة، أنا فاكرة وقت فيلم "حب في الزنزانة" أنا كنت مساعدة مخرج، فهي كانت بتاخد على طول مهدئات، بالوقت المهدئات دي توديكي للانتحار".

وتابعت إيناس الدغيدي: "سعاد حسني انتحرت لأن العمر كله بتاخد مهدئات لما بتشوف نفسها أن هي مبقتش نجمة وأن شكلها اتغير والمرض عمل فيها كده تنتحر، قصة القتل أنا ضدها إحنا كنا دايما بنتنبأ أن في 2 هينتحروا سعاد حسني وأحمد زكي لأنهم فنانين أوي وبوهيمين عايشين الحياة بلا تخطيط ومزاجيين جدا، أحمد زكي الوقت مأسعفهوش ومات، سعاد حسني اتحققت النبؤة بتاعتنا في الوسط السينمائي وانتحرت".