إيناس الدغيدي : الجمهور بيحب يشوف المشاهد الساخنة والفنانين اللي قدموها نجحوا جدا

كشفت المخرجة إيناس الدغيدي ، عن رأيها في مصطلح تحريم الفن ، إلي جانب حديثها عن المشاهد الساخنة في الأعمال الفنية .

وقالت المخرجة إيناس الدغيدي خلال تصريحات تليفزيونية لها : الجمهور يحب المشاهد الساخنة ، والفنانين الذين قدموا تلك المشاهد حققوا نجاحا كبيرا ، معلقة : الجمهور بيحب يشوف المشاهد اللي ميقدرش يعملها في الحقيقة، علشان كده بيحبوا يشوفوا المشاهد الساخنة .

وأكدت المخرجة إيناس الدغيدي : الفن مهنة صعبة جدا ، ولا تتمني لبنتها أن تدخل هذا المجال ، وأوضحت قائلة : اللي بيشتغل في الفن هو صعب جدا ومش بيحب أولاده يشتغلوا فيه علشان صعوبته وحساسيته وحكم الناس عليك وبتأخذ مواقف ولم أتمني بنتي تشتغل فيه .

وأضافت : الفن مش مهنة سهلة والفن مش حرام واللي بيحاسب عليه ربنا .

علقت المخرجة إيناس الدغيدي خلال تصريحاتها قائلة : اللي بيتكلم عن التلامس والكلام ده في الفن مخ وعقلية ، واللي يحرم الفن ويرجع ناس مشوهة فكريا ومش عارفة عايزة ايه ، وكل واحد بيختار في الحياة عايز ايه والناس تختار وتتحدي وتواجه يا متدخلش الفن من الأساس .

وعن رأيها في مشاركة الفنانة حلا شيحة في عمل فني ، قالت : مينفعش أمسك العصاية من النص ، وأهلا وسهلا لو الدور بتاعها في الحدود ويجب أن تعيش الحياة كما يجب أن تكون في الفن ، وأنا مش بحب الجراءة ، ولكن أنا جريئة بطبيعة شخصيتي والدنيا والفن هما اللي علموني الجراءة .

وعن الراحل الموهوب الفنان أحمد زكي قالت : أن الفنان الراحل أحمد زكي كان موهوبا أكثر من أي شخص ، وخرج عن الشكل التقليدي للنجومية ، وكان شبه كل الناس اللي في الشارع وكان فرحان أنه شبه الناس في الشارع ، وكل جيله كانوا حلوين ، لكن هو كان مختلف وجميل وسماره جميل .