لقاء الخميسي ترد على منتقديها: ناس مريضة.. راجعوا نفسكم

تعرضت الفنانة لقاء الخميسي، لانتقادات واسعة عقب طرحها عدة فيديوهات على تطبيق "تيك توك"، ووصل الأمر لتلقيها تعليقات مسيئة وهو ما دفعها للرد بشكل حاسم.

وشاركت لقاء الخميسي مقطع فيديو على حسابها الشخصي عبر موقع التيك توك، قالت فيه: نزلت شوية فيديوهات أتكلم فيها مع البنات في أشياء ممكن تفيدهم، وفي ناس لطيفة بتسأل وأنا أجيب كمان بقدر ما أستطيع وروحهم حلوة، لكن هناك أشخاص آخرين بيحبوا التدخل وإفساد المزاج ومحتاجين إلى من يصحح حالتهم النفسية ليخرج منهم المشاكل التي تجعلهم سلبيين طوال الوقت.

تابعت لقاء الخميسي: الناس دي متصورين إنهم كدة تمام وبيقولوا آراءهم، لازم تدخل تغلط يا تـ تفه من المعلومة يا يقولوا بعض الكلمات اللي ملهاش قاموس، بمعنى إن في واحد علق في أحد الفيديوهات بيقولي إنتِ عجزتي وفاشلة، طب ما حضرتك هتعجز وكل الناس بتعجز إنت شايف إني عجزت ولكن أنا شايفة إني لسه صغيرة.

وأضافت الخميسي: النوعية اللي بتحكم على الناس وهي متعرفهاش أو حتى تعرفها مريضة، روحوا صلوا لو الصلاة هتريحكم، وادعوا ربنا تبطلعوا أحكام على الناس وسخافات وألفاظ غير لائقة وغير مهذبة، وأكيد لو كان عندك طفل أو طفلة وربتهم بالمنظر دا هيطلعوا شبهم بالظبط، وهتكون شخص مش عارف يعيش حياته ولا ينجح فراجعوا نفسكم قبل ما تكتبوا أي تعليق.