تكريم السينارسيت عبد الرحيم كمال والمخرج محمد فاضل بالمركز القومي للسينما

كرمت إدارة المركز القومي للسينما كلًا من المؤلف عبد الرحيم كمال، والمخرج الكبير محمد فاضل، الذي أهدى جائزته لزوجته الفنانة فردوس عبد الحميد.

وأعرب المؤلف عبد الرحيم كمال، عن سعادته الكبيرة بتكريمه، قائلًا: عندنا أساتذة كتير تم تكريمهم، والتكريم ده بالنسبة لي دافع إن الواحد ينقل خبراته وأفكاره لأجيال جديدة أهم، تقدم للبلد حاجات كتير أهم وأعظم من الحاجات اللي قدمناها، لأن البلد دي تستاهل كتير في أي ظرف وأي وقت، بلد قديمة وعريقة ومميزة بالفن والقوة الناعمة عايشة ومؤثرة جوا وبرا البلد.

وقال المخرج عمر عبد العزيز، في كلمته: نتمنى الدولة تشغل الناس ودلوقتي أصبحنا لا نتعدى الـ18 فيلم سنويا، وده معدل قليل جدا، وأصحاب المهنة الحقيقيين قاعدين في بيوتهم وفي تغريب لأساتذتنا، ودي نقطة خطر جدا السينما فن ناعم وسلاح واللي بيحصل مش في صالحنا ولازم نفوق ونرجع نعرض في مصر زي زمان.