بزعل لما حد يقول فلوس الرقص حلال وحرام.. والسينما شوهت صورة الراقصة.. أبرز تصريحات لوسي

حلت الفنانة لوسي ضيفة في برنامج «عندي سؤال» المذاع على قناة المشهد، وأثناء الحلقة تحدثت لوسي عن الكثير من الأمور التي تخص حياتها الشخصية والفنية.

نستعرض لكم في هذا التقرير أبرز تصريحات لوسي التلفزيونية:

خدت شهادات أحسن سفير لبلدي في الأخلاق والاحترام.

-أجريت 3 عمليات قسطرة في القلب بسبب الدخان.

- لقب راقصة ظلمني كممثلة وإنسانة في المجتمع.. والناس بيبصوا للراقص سواء أكان باليه أو الشعبي بصة مش في مكانها.

- أنا اللي سبت الرقص مش هو اللي سابني، ولما دخلت معهد الباليه مكنتش عارفة إني بحب الفن والرقص كدة.

-مكنتش ملتزمة في الصلاة ودعيت لـ ربنا وقُلت يارب أنا عايزة ألتزم وأصلي الفجر حاضر.

-وفي يوم وأنا نايمة حسيت ببنوته صغننه بتقولي أنتي عايزه تصلي الفجر؟ قومي صلي، ومن ساعتها وأنا ملتزمة.

-السينما شوهت صورة الراقصة وطلعتها في صورة خطافة رجالة.

-الحرام بيكون في الضلمة زي الزنا والقتل والسرقة والاغتصاب، لكن الحلال دايما في النور والرقص مش في أوض النوم.

-الكباريه كلمة فرنساوي بعد الساعة 12.. والسينما المصرية هي اللي صورت للناس أن الكباريه حاجة مش حلوة.

أخر أعمال لوسى

يذكر أن آخر أعمال لوسي مشاركتها في الجزء الثالث من مسلسل «المداح» الذي عرض في رمضان 2023 من بطولة حمادة هلال وهبة مجدي ومحمد رياض وخالد سرحان ودنيا عبدالعزيز وحنان سليمان ويسرا اللوزي، تأليف أمين جمال ووليد أبوالمجد وإخراج أحمد سمير فرج.