عمر كمال: مش عايز واحدة مشهورة.. وكل اللي قابلتهم أغبياء عايزين يأمنوا مستقبلوهم من فلوسي

كشف مطرب المهرجانات عمر كمال، عن المواصفات التي يتمنى تواجدها بشريكة حياته، مؤكدًا أنه لا يريد الارتباط بـ شخصية مشهورة.

وقال عمر كمال، في حواره مع الإعلامية أميرة بدر، في برنامجها خلاصة الكلام، المذاع عبر شاشة قناة النهار: أنا ماليش صاحب في الرحلة يمشي معايا مشوار طويل، ونفسي طبعًا يكون في واحدة تمشي معايا الرحلة، والمهم أن هي تيجي تبني معايا مستقبلي مش جاية تبني مستقبلها هي، ونص اللي بقابلهم جايين يأمنوا مستقبلوهم هما، ودول أغبياء جدًا وبيبانوا في الأول، ولكن في بنات طيبة وغلبانة ولكن مبتعرفش تتعامل معايا وأنا محبش ارتبط بـ بنت معروفة.

وتابع عمر كمال: أنا واحد حياتي كلها مشغولة وعايز واحدة شغلها الشاغل عمر، وأنا هدلعها وهتبقى ست الدنيا كلها وهتلف معايا العالم كله، وأنا اللي هتجوزها مش هيكون ليها تطلعات في الشهرة.