أحمد عز: وفاة والدتي خلت المرض أكثر حاجة بتخوفني

كشف الفنان أحمد عز عن أكثر ما يقلقه في حياته مؤكدا على أن وفاة والدته وعلمه بإصابتها بالسرطان كان السبب الأكبر في خوفه الدائم من المرض.

وأوضح أحمد عز قائلا :أنا دايما بحمد ربنا على النعمة الكبيرة اللي أنا فيها وبدعي أن ربنا يحافظ على ده ويكفينا شر المرض لأن دي أكتر حاجة بتقلقني.

وتابع قائلا خلال استضافته في بودكاست «بيج تايم» مع عمرو أديب :أنا بخاف من المرض جدا لأن أمي ماتت وقبل ما تموت أنا الوحيد اللي كنت عارف مرضها وده كان طلبها لاني كنت اقرب واحد منها.

وأضاف قائلا :كانت بتروح تاخد الكيماوي وترجع تدير البيت كله عادي وتطبخ وتأكل وتراعي وأنا اللي قعدت جنبها وشوفت مراحل المرض وبعد وفاتها جاتلي حالة اكتئاب ولو دور برد أقلق وفضل الموضع متلازمة معايا.

يذكر أن الفنان أحمد عز يغيب عن دراما رمضان للعام الثاني على التوالي لتكون آخر مشاركاته الدرامية مسلسل «الاختيار 3» والذي تم عرضه في موسم رمضان 2022 من بطولة ياسر جلال وكريم عبد العزيز وأحمد السقا ومن إخراج بيتر ميمي.