أحمد عز : السعودية بيتي وبنستنى السعوديين في مصر

أعرب الفنان أحمد عز، عن سعادته بحضور حفل توزيع جوائز Joy Awards، المقام حاليًا على مسرح أبو بكر سالم، بمدينة الرياض بالمملكة العربية السعودية.

وقال أحمد عز، على هامش حضوره الـ Joy Awards: أنا باجي هنا على طول وبعمل مسرحيات وبنصور ولاد رزق هنا بتمويل من تركي آل الشيخ، وبنوعد الجمهور الفيلم بتقنيات وإمكانيات مختلفة.

وتابع أحمد عز: أنا عندي مشكلة في إنهم بيقولوا ده فيلم عربي وده فيلم خواجة، بضايق إن إحنا نقدر نعمل ده، وهي مسألة أفكار وهيئة الترفيه موفرة لنا كل الإمكانيات دي، ونقدر نروح بأفلامنا لأبعد من كدا بكتير، وبعمل فرقة الموت وبرضو بدعم من المستشار تركي آل الشيخ.

وأضاف أحمد عز: لما بخرج من القاهرة وباجي السعودية بحس إني في بيتي والله، وإحنا بنستناكوا في مصر عشان نردلكم الكرم ده إحنا واحد.