هادي الباجوري عن طليقته ياسمين رئيس: ممثلة شاطرة جدا وهنتعاون تاني سوياً

تحدث المخرج هاني الباجوري عن إمكانية التعاون مرة أخري مع طليقته الفنانة ياسمين رئيس، بجانب الحديث عن تقديم الجزء الثاني من فيلم ( هيبتا ) ، وسفاح الجيزة ، ومسلسل البحث عن علا .

وقال هادي الباجوري ، في لقائه مع برنامج et بالعربي : ياسمين ممثلة شاطرة جدا ، وطول عمري مؤمن بها كممثلة وده عمره ما هيتغير ، وهفضل مؤمن بها كممثلة طبعا .

وعن إمكانية تقديمه الجزء الثاني من مسلسل ( سفاح الجيزة ) ، قال : مفكرتش إيه ممكن يتعمل زيادة ، ولكن لو قعدنا نفكر أكيد هنلاقي أكتر من طريق ، ولما تيجي تعمل جزء تاني لازم يكون فيه تغيير يا أما متعملوش ، وفكرة الجزء الثاني والثالث مفتوحة والعمل إنتاج شركة أروما للمنتج طارق الجنايني ، وأتكلمنا وقت التصوير وقولت له أنت كمنتج لازم تعمل جزء تاني وتالت وتكمل علي اللي انت فتحته سواء كنت أنا المخرج ولا لأ ، وبالنسبة ليا مفكرتش في الموضوع .

وعن الجزء الثاني من مسلسل رحلة البحث عن علا بطولة الفنانة هند صبري ، قال :اعتقد أننا قدرنا نعمل توازن وهيبقي الموسم الثاني أحلي من الأول ، واتمني أن الناس تتبسط منه وأنا بضحك وأنا بتفرج عليه .

وأكد هادي الباجوري ، أنه بصدد بدء التحضيرات الأولية لتصوير الجزء الثاني من فيلم ( هيبتا ) ، قائلاً: فيلم ( هيبتا ) الجزء الثاني أخد وقت طويل جدا في الكتابة ، وأنا عايز أعمله ومش هقدر أقول أي تفاصيل عن الفيلم .