حمو بيكا: عصام صاصا هو التريند ومطلوب وويجز مبقاش موجود

حل مؤدي المهرجانات حمو بيكا ، ضيفا علي الإعلامي هيثم بسام ،في برنامج ( ورقة في ملف ) المذاع علي قناة النهار ، متحدثا عن بداية مشواره الفني ، ورأيه في المهرجانات الشعبية والراب خلال الفترة الحالية .

وقال حمو بيكا : مفيش حاجة مشتغلتهاش، وكانت فترةً جميلة وكنت أسعد في حياتي ، وبنام مطمن ومرتاح ، وأتمني أرجع لحياتي القديمة طبعا ، أنا شيلت مسئوولية كبيرة ، وكان في الأول فيه والدي ربنا يخليه ليا موفرلنا كل حاجة .

وأضاف : كل بتوع الراب أخواتنا ، وهما مقطعوش عيشنا ، هو الراب مش موجود حاليا ، والمهرجان هو اللي موجود ، دلوقتي عصام صاصا أي أغنية لازم تنزل تريند ، فين ويجز دلوقتي ؟ هو منزلش حاجة ، هو ويجز حلو ابن بلدي وبيمثلنا برا وحاجة كبيرة ، بس مش بينزل دلوقتي .

وأردف : أنا لما بدأت الغنا مكنش فيه غيري في الساحة ، وعملت اللي نفسي فيه كله ، ولما يطلع عصام صاصا أفرح له ، أحقد عليه ليه ؟ ونشجع بعضنا كمان ، فيه ناس مبتحبش كدة .

ورد حمو بيكا علي منتقدي المهرجانات الشعبية واتهام البعض أنها فسدت الذوق العام ، قائلا : هنخرب البلد ليه ، ايه عملناه خرب البلد ؟ إحنا معملناش حاجة ، أنا دخلت في فنادق عالية وغنيت لأمراء ، وانا معايا فرقة مكونة من عشرين نفر ، أعضاء عاملين كلهم ، ويمكن ربنا بيديني علشان الناس دي .