”سيبوه عشان ميمثلش علينا”.. تعليق مثير من ويجز على مغادرة محمد صلاح لبعثة المنتخب

علق مطرب الراب ويجز، على سفر نجم منتخب مصر لكرة القدم محمد صلاح إلى إنجلترا لتلقي العلاج، ومغادرته الفريق وسط المنافسات التي يخوضها في بطولة كأس الأمم الإفريقية 2023.

وكتب ويجز عبر صفحته الرسمية في منصة "إكس" : "محمد صلاح حر نفسه. انا نفسي منتخب مصر ياخد الكاس باللي مستني الفرصة وعايز يلعب".

وأضاف: "ضغط الناس على الشخص عشان يغير مشاعره تجاه حاجة معينة مبيجيبش غير نتيجة عكسية. سيبوه براحته عشان ميمثلش علينا. يكون صريح احسن ما ينافقكوا عشان خايف من المجتمع".

غياب محمد صلاح عن منتخب مصر

وكان قد أعلن اتحاد الكرة، إجراء فحوصات إضافية لمحمد صلاح خلال الساعات الأخيرة وبعد التواصل بين الجهاز الطبي للمنتخب ونظيره فى نادى ليڤرپول تم الاستقرار على عودة اللاعب لإنجلترا عقب مباراة كاب فيردي غداً لاستكمال علاجه، على أمل لحاقه بالمنتخب في الدور قبل النهائي لبطولة كأس الأمم الإفريقية في حالة التأهل.