حسام داغر بذكري وفاة والدته: ملقتش حاجة ممكن توصلك غير الدعاء والورد اللي بتحبيه

حرص الفنان حسام داغر على أحياء الذكرى الرابعة لوفاة والدته، على صفحته الرسمية عبر موقع الصور والفيديوهات القصيرة "إنستجرام"، فيديو لوالدته وعلق قائلًا:"النهارده سنويتك الرابعة يا ماما يا حبيبتي، وطول عمرك بتحبي الورد وملقتش حاجة ممكن توصلك غير الدعاء والورد اللي بتحبيه، انتي دلوقتي في الجنة المليانة ورود، إن المتقين في جنات ونعيم، الآية بتصور النعيم إللي بيوصل ليه المتقون، وإنتي وردك والفل إلي زرعتيه بيطرح كل سنة وناس بتشمه وبقولهم ماما إللي زرعاه وسبحان الله كانت ريحته من الجنة النهاردة".

واضاف: "إن شاء الله ربنا يقدرني أعملك ختمة عندي في بيتي مع حبايبك وحبايبي ويارب ثوابها يوصلك هدية عيد ميلادك يوم ٢٥ يناير وذكري وفاتك يوم ١٨ يناير، اللي يحب يشاركنا يبقاله الأجر والثواب، لو كنتي عايشة وسطينا كان زمانك تميتي ٧٠ سنة النهارده أکید مکنتیش هتحبي الرقم ده، بس كنت هنضحكك شويه ونهزر معاكي لحد ما تنسي يا جميله وبشوشة وطيبة، عيد ميلادك في الجنة يا حبيبتي مع بابا حبيبك، ويا رب تكوني راضية عني وحشتيني قوي".