سمسم شهاب يكشف حقيقة حلقته في ”واحد من الناس”

علق المطرب سمسم شهاب، على حلقته مع الإعلامي عمرو الليثي، والتي أذيعت عبر قناة الحياة.

وخرج سمسم شهاب، في فيديو له عبر حسابه بموقع التواصل الاجتماعي، فيسبوك، قال من خلاله:" بكره إن شاء الله عندي حلقة مع الدكتور عمرو الليثي على قناة الحياة، والحلقة بكره فيها مفاجآت كتير جدًا وفاجئوني إنهم جابوا ليا حفيدي أسامة وكانت أعظم مفاجأة بالنسبة لي، والحلقة متصورة من 3 شهور وأجلنا علشان أحداث غزة، بس كان لازم الحلقة تنزل قبل نهاية السنة فإحنا منزلنها مجبرين، وأتمنى تعجبكم، والحلقة كانت من 3 شهور يعني قبل وفاة زوجتي. ".

وأضاف:" هتشوفوا مفاجآت كتير بكرة وأنا معايا فرقتي وعاملين فيها شكل ومزيكا كويسة جدًا، وبنقول حاجات من اللي معود حضراتكم عليها بعيد عن الإسفاف، وأنا من بعد ربنا بستقوى بجمهوري وإخواتي وأصحابي لأني بعد ربنا ماليش غير الناس اللي بتحبني، وأتمنى من الله الحلقة تطلع تريند بكرة، وعايز أشكر الدكتور عمرو الليثي وكل فريق العمل، وأنا كنت في غاية السعادة وأنا معاه وشهادتي فيه مجروحة.