خالد النبوي: درست في المركز الثقافي الروسي 3 شهور عشان فيلم ”الديلر”

تحدث الفنان خالد النبوي عن تفاصيل مشهد الخطبة الشهير في فيلم الديلر، مؤكدًا أنه ذهب للمركز الثقافي الروسي للتحضير للمشهد.

وأضاف في لقائه مع الإعلامي محمود سعد في برنامج sold out: الفكرة إنك رايح تتعلم وعايز تعمل فكرة تدهش الناس، والمؤلف عارف إني مبفهمش اللغة الروسية وكان كاتب مشهد واحد مونتاج، وأنا روحت لصديقي حبيبي مدحت العدل راجل بسيط ومتواضع ومش متكبر، قولت له ده أكبر مشهد في الفيلم الخطبة دي إزاي نبهر الناس؟ وأنا هذاكرها بغض النظر إيه هي البلد فما تكتب ونشتغل، قالي عظيم.

وتابع: فاضل المنتج هندخل على الأستاذ سامي العدل وقولنا خلاص هو مش هيعمل المشهد ده بسبب أنه محتاج تكلفة كبيرة وشاشات ومجاميع كبيرة ومش هيتصور على يوم واحد، فقالنا طب إيه رأيكم إني هعمل لكم اللي أنتم عايزينه بس تبقوا تعرفوا تعملوا المشهد.

واختتم: قعد أذاكر 3 شهور وروحت المركز الثقافي الروسي، وهنا أنت مش شايف خالد النبوي أنت شايف شخصية علي الحلواني، لأن أنت شايف اللي قبلك زي الأستاذ محمود المليجي وفؤاد المهندس ونجيب الريحاني وأحمد زكي وسعاد حسني وفاتن حمامة، فعارف إني لازم أعد على الأرض أسكت واتعلم.