رانيا محمود ياسين تنتقد رصد قصص الفنانين بالذكاء الاصطناعي: رخص وناس بتعمل ريتش

خرجت الفنانة رانيا محمود ياسين لتنتقد استخدام قصص وحكايات عن الفنانين بالذكاء الاصطناعي من أجل زيادة المتابعين على الصفحات مستخدمين معلومات لا أساس لها من الصحة عن الفنان الذي يروا قصته، مشيرة إلى أن هذا يسيء بسمعة نجوم لها قيمة كبيرة في المجتمع.

وقالت رانيا محمود ياسين في منشور كتبته عبر حسابها الرسمي بموقع تبادل الصور والفيديوهات انستجرام: نفس افهم بجد جو الرخص بتاع الناس الي عايزه تعمل ريتيش علي حس سمعه الفنانين ويعملوا بالذكاء الإصطناعي حد بيتكلم ويحكي اي هري ومعلومات لا اساس لها من صحه ويقول انا فنان او انا مطرب وبعدين يبدأ يحكي كلم مسئ عن حياته ثم يبدأ الناس يقولوا ياتري ده مين ده فلان لا ده فلان.

وتابعت حديثها، قائلة: بيذكروا اسماء فنانين لاعلاقه لهم بالحكايه المزعومه من أساسه وكأن سمعه الفنان ليس لها أي قيمه وحياته دي مشاع لكل من هب ودب يعبث بها وكأن ليس له اهل وعائله يحزنوا علي ادعاءات بتقال عليه كل ده من أجل سواد عيون ريتش الصفحه لعنه الله علي الريتش ، وانا كفنانه بقول ده سب وقذف بيحدث للفنانين وفنانات كل يوم ولازم الصفحات دي توقف وتتعاقب كمان هتقولوا مش بيقولوا اسماء لا انا اسفه الكومنتات كلها اسماء فنانين ليهم قيمتهم وبيتظلموا في نوعيات الرخيصه دي من الصفحات اتقوا الله اتقوا الله كفاكم عبث.