حنان مطاوع.. لا أعرف كيف أتفاوض على أجري

في حلقة جديدة من برنامج "حبر سرى" مع الإعلامية أسما إبراهيم، حلت الفنانة حنان مطاوع ضيفة على البرنامج، وتحدثت عن مسيرتها الفنية وكواليس بعض أعمالها.

وخلال الحلقة، ردت مطاوع على شائعة استبعادها من مسلسل "ضد مجهول" بسبب مبالغتها في الأجر، وقالت المذيعة : "معايا خبر بيقول إنهم إستبعدوكى من مسلسل ضد مجهول بسبب مبالغتك فى الأجر، إنتى فعلا طلبتى 3 مليون جنيه؟".

ردت مطاوع قائلة: "ده أنا إلى الآن مش عارفه آ.خد نصهم فا الحمد لله يعنى".

وأضافت: "لأ بس دى حقيقة فعلا أنا أجرى مش كبير يعنى الحمد لله يا رب الحمد لله مكانتى بتزيد بس الحقيقة مش شاطرة خالص فى موضوع الأجر ده".

وعن سبب عدم حصولها على أجر كبير، قالت مطاوع: "يمكن عشان إبتديت من تحت خالص بأجر بسيط جدا ولا حاجة و يمكن عشان مش بعرف أتفاوض و بتكسف و حد مثلا يقولى معلش أقفى جمبى و إحنا بننتج لأول مره فا بعمل كده و ده بيتحسب عليكى فا بعد فترة بقول طب ما أنا رضيت و أخدت كذا هاجى دلوقتى أقول كده و أطلب رقم معين فا أنا الحقيقة ما طلبتش 3 مليون خالص.. ده أنا أتمنى ".