بدون وجه حق.. رسالة نارية من مؤلف مشهور لكاملة أبو ذكري

انتقد السيناريست صلاح الجهينى المخرجة كاملة أبو ذكري، وذلك بعد انتقدها لإبطال مسرحية زواج اصطناعى، وعلى رأسهم إنتقادها لموقف بطلها بيومي فؤاد.

ونشر صلاح الجهينى، عبر حسابه بموقع التواصل الاجتماعي، الفيسبوك، قال به:"من الحاجات اللي بتضايق أي فنان هي انتقاد الناس وتقييمهم للعمل، من خلال الإعلان دون مشاهدة العمل نفسه.

وتابع صلاح الجهيني: كان شيء مؤسف جدًا لما الناس هاجمت مسلسل، قبل ما تشوفه لمجرد أن حواجب البطلة على البوستر معجبتهمش، ولكن المؤسف أكثر أن مخرجة ليها تقديرها واحترامها زي الأستاذة كاملة أبو ذكري، قررت تهاجم عمل فني وتتهمه أنه اتكتب واتنفذ في 3 أيام بدون ما تشوف منه أي مشهد، متجاهلة مجهود أكتر من 60 شخص اشتغلوا على مدار 5 شهور عشان العمل ده يظهر ويتنفذ على الوجه اللي هما شايفينه بيرضيهم.

وأضاف صلاح الجهيني: أستاذة كاملة، أنا مقدر موقفك السياسي والإنساني، ولكن يؤسفني أقول لحضرتك إنك جرحتي عدد كبير من الفنانين والشباب المجتهد، اللي بيعتبروا حضرتك قدوة ليهم بدون وجه حق.

كاملة أبو ذكري تهاجم بيومي فؤاد

كتبت كاملة أبو ذكري: «الأستاذ الفنان اللي كنت واحدة من محبيه.. لو حضرتك فاكر إنك لما تعمل عمل اتحضر واتكتب واتنفذ في 3 أيام، وتروح تعرضه وترقص وتغني وتضحك وبعد كده تأخد آلاف الدولارات، لو ده بتسميه فن فأنا لا يشرفني إني أكون زميلة لك في هذه المهنة».

وواصلت كاملة أبو ذكري في تغريدتها: «ولما تكون بتعرض التفاهات دي ده لا يشرف الفن المصري ولما تعرض التفاهة دي وجارك بيدبحوا أطفاله ونساءه ورجاله وتقولي الفن يبقي ماعنديش كلام أقدر أقوله غير إن الإحساس والفن نعمة إنتم أخر ناس تتكلموا عنها».