«بشرى» عن انتقاد طارق الشناوي لـ«أولاد حريم كريم»: لا صوت يعلو فوق الجمهور

علقت الفنانة بشري على هجوم الناقد طارق الشناوي على فيلم «أولاد حريم كريم» الذي يعرض حاليا في السينمات، بعد مرور 18 عاما على الجزء الأول من الفيلم، مشيرة إلى أنها لم توجه له عتابا.

وقالت بشرى خلال مداخلة هاتفية فى احدى البرامج التليفزيونية: «الفيلم يجمع بين النوستالجيا والجيل الجديد، والكواليس مع المخرج علي إدريس كانت جميلة، واسألوا الشباب الجديد اللي اشتغل مع فنانين عندهم خبرة حسوا بألفة ولا، الناس مستغربة حالة الحب اللي موجودة في العمل، وده قليل لما بيحصل في الوسط بتاعنا».

واستكملت بشرى حديثها عن انتقاد طارق الشناوي للفيلم: «في بعض النقاد آرائهم انطباعية مش تحليلة بشكل علمي بتحسس الناس أنهم مشافوش الفيلم أصلا ومسكوا في شخص واحد اتكلموا عليه، والحمدلله ردود الفعل عند الجمهور حلوة جدا، ولا صوت يعلوا فوق صوت الجمهور، أصل ده مش فيلم مهرجانات ولا صوت يعلوا فوق الجمهور هي اللي بيحدد، الفيلم جماهيري مش بتاع مهرجانات سينمائية عشان يكون نقدي بالشكل ده، أهم حاجة الناقد يحلل الفيلم وميقتصرش مجهود الفيلم في شخص واحد، عيب في ناس ورا الكاميرا أشتغلت وعمُال كمان».

وقالت بشرى: «مفكرتش أكلمه ولا ألومه ومن أمتى وهو بيمدح اساسا، أنا عندي مبدأ في الحياة اسمه سيري يا نورماندي، مهما حصل مبقفش لكن هو زميل ومعايا في كذا لجنة تحكيم، ولكن مبنتظرش منه مدح يعني».