«متتكلمش عشان متتهزأش».. التفاصيل الكاملة لأزمة مصطفى قمر وطارق الشناوي

شن الناقد الفني طارق الشناوي، هجومًا حادًا على فيلم «أولاد حريم كريم» للفنان مصطفى قمر خلال تصريحات تليفزيونية، والذي يعرض حاليا في دور العرض المصرية، قائلا: «أسوأ الأعمال الفنية بالنسبة لي في الموسم الحالي».

وأضاف أن علي إدريس مخرج مهم، وزينب عزيز كاتبة متميزة مشيرًا إلى أن الجزء الثاني من الفيلم ليس له علاقة بالجزء الأول.

وأشار إلى أن الفيلم ليس له علاقة بفن السينما حاليًا، موضحًا أن العمل يرجع لزمن ما قبل الجزء الأول، والكتابة تعود لزمن بعيد.

واستكمل: «التفاصيل دي مبقتش تجيب ولا تضحك، فالفيلم افتقد الضحك.. ومصطفى قمر في عز فشله كمطرب قرر يعمل فيلم، ومع الحريم اللي هما مش مطلوبين قوي في السينما».

واستطرد: «الوحيدة اللي كانت لها اسم ووهج ياسمين عبد العزيز، عشان كده هي الوحيدة اللي قالت لا،عشان مش هتقبل تكون موجودة نصف بطلة أو خُمس بطلة.. مشكلة مصطفى قمر إنه عايش على الزمن القديم، مثلا عبد الحليم السينما فكرت فيه لما عمل غنوة على قد الشوق، فاتعمله فيلم مع شادية لأنه كان ناجح كمطرب».

وأنهى: «لما بتفشل كمطرب السينما مش هتصعدك، اللي بيفشل كمطرب بيعتقد إن السينما هترجعه للبريق.. ومصطفى افتقد الوهج، وبيمثل الدور من غير حالة من الوهج والشغف بيمثل وخلاص حافظ وبيأدي، مش حابب».

رد الفنان مصطفى قمر

رد الفنان مصطفى قمر، على تصريحات الناقد الفني طارق الشناوي، والتي هاجم فيها آخر اعماله فيلم "أولاد حريم كريم".

ونشر قمر عبر حسابه الرسمي على موقع الصور والفيديوهات "إنستجرام"، تغريدة قائلًا: "هو انا مش طلبت منك تبعد عني اصلا ومتتكلمش على أعمالي، عشان متتهزأش".

وأضاف: "عمومًا ياللي اسمك طارق انت اللي جيبته لنفسك، كاتب كلام أهبل يدل للمرة المليون إنك ماشفتش الفيلم، وعموما اللي حيرد عليك السينما، اللي دخل الفيلم اللي مالوش دعوة بالنفاق أو مصلحة أي فيلم تاني، فكرني كدة شغلتك ايه؟".