حمو بيكا: الحياة في مصر بقت جميلة.. ربنا يخلي لنا السيسي مشوفناش الأبراج غير على إيده

وجه مؤدي المهرجانات حمو بيكا رسالة شكر للرئيس عبد الفتاح السيسي، بعد الإنجازات التي قدمها في مدينة العلمين الجديدة، إذ قال إنه لم ير الأبراج في حياته إلا في عهده، كما دعى بيكا العالم، لزيارة مصر، بعد التجدد والتطوير العمراني الذي تشهده البلاد حاليًا.

وقال حمو بيكا في تصريحات تلفزيونية له: بشكر الرئيس عبد الفتاح السيسي اللي بعشقه على الإنجازات، ربنا يخليه لينا إحنا بقينا في حاجة جميلة إحنا مشُفناش العلمين ولا شُفنا الأبراج، غير على إيد سيادة الرئيس.

وتابع حمو بيكا: إحنا بندعي كل العالم إنهم ييجوا هنا، عندنا في مصر حياة جميلة، والأرقام اللي بيسمعوها عن الساحل الشمالي مش موجودة هنا خالص، أنا بقالي شهرين قاعد هنا، كل العالم لازم ييجي مصر.

وأضاف: سيبكم من اللي بيقول أسعار 15 ألف و20 ألف مفيش الكلام ده، أنت ممكن تيجي بـ 1000 أو 500 جنيه تنبسط، الأرقام اللي ناس بتقولها مش حقيقي لو معاك 500 جنيه، هتجي تأكل وتشرب وتتفسح، إزازة المية على الشاطئ بـ 20 جنيه، وبره بـ 5 جنيه و6 جنيه عادي.

وفي سياق آخر، طالب بيكا بفرض قانون، لمحاسبة كل من يسيء إلى سمعة مصر، خاصة بعد الجدل المثار عبر مواقع التواصل الاجتماعي، بسبب الساحل الشمالي الذي وصفه البعض بـ الساحل الشرير، نظرًا لارتفاع الأسعار هناك كما يزعم كثيرون، إذ نفى بيكا هذه الأقاويل وأكد أن الأسعار بالساحل معقولة إلى حدٍ ما.