سحر رامي : أجر أحمد زكي ورغدة في كابوريا كان ضعيف.. وهيثم أحمد زكي لو كان عمل جزء تاني مكنش هيبقي من حقي أقاضيه

تحدثت سحر رامي عن كواليس انتاجها لفيلم " كابوريا" قائلة: مكنش انتاجي لوحدي كان انتاجي أنا وحسين، ولما جينا نعمله مكنش معانا رأس مال فظيع والارقام مكنتش زي النهارده الأجور كانت بسيطة اوي لو قولتلك الأجور زمان كانت كام أحمد زكي ورغدة اللي كانوا واخدينها مش هتصدقي أنا عندي الورق وعندي كل ده

أضافت خلال حوارها مع الإعلامية انجي هشام في برنامج المنسي عبر قناة هي: مبصدقش أن الفيلم نجح الفيلم نجح جدا وعمل نقلة في استخدام المجاميع في السينما وهاجمونا ساعتها والأغنية نجحت اوي وأحمد زكي كان في احلى حالاته ورغدة كانت رهيبةؤ ونا مكنتش هعمل الدور كان في اتفاق أننا هنعمل جروب فني لكن مش همثل، لكن لما جينا انتجنا خيري بشارة أصر اني هعمل الدور وقال لحسين مالكش دعوة ومكنش معانا فلوس كتير كنا عايزين ننجح مش هنتهاجم.

وكشفت حقيقة هجومها على الفنان هيثم أحمد زكي بسبب نيته في عمل جزء ثان من فيلم " كابوريا" قائلة: الحكاية مجاش كده انا فوجئت أن حد بيكلمني فون بيقولي انتي هترفعي قضية على هيثم احمد زكي عشان هيعمل جزء تاني من كابوريا، الكلام ده سمعته من واحد صحفي،. قلتله هو فين الكلام ده هو هيعمل جزء تاني، أنا مش من حقي اقاضيه الجزء التاني ملك عصام الشماع ككتابة، لكن لو اتاخد حته من الفيلم أو حته من الأغنية بيتاخد عليها فلوس لان دي حقوق ودا انتاجي لكن لو اتعمل جزء تاني أنا مش طرف في الموضوع