حالات إغماء بين طلاب كليه الحقوق بالإسكندرية بعد أزمه الرسوب ”حقنا مش هنسيبه”

واحد اتنين العميد فين، و مش عايزين تظلم، مش هنمشى مش هنمشى؛ هكذا كانت هتافات طلاب كلية الحقوق جامعة الإسكندرية، صباح اليوم الإثنين، داخل حرم الجامعة خلال وقفه أحتجاجية على ما تم بعدما ظهرت نتيجه امتحانات عام 2023، و رسب حوالى أكثر من 65% من طلاب المراحل الأربعة فى الكلية.

و على أثر هذه الوقفة الاحتجاجية لمئات من طلاب الفرق الأربعة أمام مبنى الكلية، التى طالب فيها طلاب كلية الحقوق، تعرض نحو 6 طلاب لحالات إغماء شديدة، لتذمرهم من نتيجة الامتحانات وحالات الرسوب الجماعي، و كانوا مطلبهم واحد:"أعادة تصحيح الإمتحانات مرة أخرى حتى لا يضيع مجهودهم".

على الفور حضرت سيارات الإسعاف، وسط انهيار أولياء الأمور و عويل الطلاب قائلين عبارات «ألحقونا ألحقونا .. أخواتنا بيموتوا عشان بيطلبوا بحقهم»، أتجهت فوراً سيارات الإسعاف بالمصابين داخل كليه الحقوق إلى المستشفيات المحيطة لتلقى العلاج و الاطمئنان على سلامتهم.

وعليها قالت الطالبة "نورا سامى"، طالبة بالفرقة الرابعة، أنا جايبه جيد جداً في كل سنه أولى و تانية و تالته و السنة دى شايله 4 مواد، طب تيجى ازاى؟، أهلى تعبوا معايا جدآ و كنت هفرحهم خلاص أنى هتخرج و ابقى محامية، حرام ال بيحصل فينا ده.

وقالت الطالبه "ليلى محمود"، طالبه بالفرقة الثالثة خلال بث مباشر "للنهار"، أنا حضرت كل المواد و لما نتيجى طلعت و جبتها من على النت، لقيتنى ساقطه ف 3 مواد أنا حضرتهم و مواضيع بخط أيدى على الورق، وأظهرت خلال البث، ورق الاسأله الخاص بمادتين من الثلاث المواد المسجلين بالنتيجه الخاصه بها "لم تؤدى".
و أضافت "ليلى"، يعنى انا حاضرة كل المواد و كاتبنى غياب، ازاى يحصل ده، يسقطونى فى مواد أنا امتحنت فيها، و كمان يشيلونى 5 مواد غيرهم، يبقى حسبى الله ونعم الوكيل.

وقال الطالب "سيف عبدالرازق"، بالفرقة الثالثة، كان فيه زميل لينا من السعودية و توفى قبل الإمتحانات، نتيجتة طلعت و ناجح، و أنا كنت بقول لأصحابى اللى جنبى فى اللجنه على إجابات، و هما نجحوا و انا سقط، طب تيجى ازاى؟.

وكان الدكتور محمد الفقي، عميد كلية الحقوق بجامعة الإسكندرية، قد صرح خلال لقاء تلفزيوني مع الإعلامى أحمد موسى، أمس الأحد، بأن الكلية لها تاريخ عريق، وأن نسب النجاح المتداولة على مواقع التواصل الاجتماعي غير صحيحة، موضحًا أن نسبة النجاح الفرقة الأولى 86%، والثانية 60%، والثالثة 51%، والرابعة 60%، وسيفتح باب التظلمات ومن له حق سيأخذه.