حمزة نمرة يكشف سبب تسمية ألبومه الجديد: عايز أكون رايق وأبطل قلق

كشف المطرب حمزة نمرة، عن سبب تسميته لألبومه الغنائي الجديد المقرر طرحه الفترة المقبلة والذي يحمل إسم "رايق"، موضحا بأنه يريد أن يكون شخص يخلو من الصراعات والقلق والتوتر.

وكتبت حمزة نمرة عبر حسابه الشخصي بموقع تويتر:"رايق.. قليل اوي اللي عرف يوصل للحالة دي.
كل حاجة حوالينا بقت بتزود القلق.. تفتح موبايلك وتقلب في صور الناس وأخبارهم".

وتابع "نمرة": "تحس إنك في سباق وكله سابقك و متأخر و فايتك كتير أوي، لازم تجري عشان يادوب تحصلهم، لكن مهما جريت أو أنجزت برضه حاسس إنه مش كفاية يمكن قدراتك وظروفك مش دايماً مساعداك، او يمكن مكتوبلك حاجة احسن".

وأشار حمزة نمرة إلى أنه:"أنا سميت الألبوم ده رايق عشان أنا فعلاً عايز أكون رايق، و عايز أبطل قلق، في لحظة كده وقفت وقلت لنفسي ليه لازم أجري أصلاً! ومين قال إني في سباق، مش فايتني كتير ولا حاجة خليني رايق.. رايق وتقيل وراسي".

وأختتم حمزة نمرة حديثه:"أغنية رايق لكل واحد قرر يبطل جري و يمشي على مهله ويستمتع بالطريق معايا
والأهم يعيش رايق".

وفي نفس السياق قرر حمزة نمرة موعد طرح أغنيات ألبومه حيث يأتي في تمام الساعة السابعة مساءً كل يوم أربعاء، ومن المقرر طرح أول أغنية يوم 19 يوليو الجاري.

أول أغنية هي أغنية رايق، وثاني أغنية بعنوان «غروب»، وثالث أغنية هي أغنية إسكندرية سيتم طرحهما يوم 26 يوليو الجاري، أما الأغنية الرابعة وهي «رياح الحياة» طرحها يوم 2 أغسطس.