رد فعل غريب من محمد هنيدي تجاه تصريحات محمد فؤاد ضده

رفض الفنان محمد هنيدي التعليق على الخلاف المعروف بينه وبين محمد فؤاد منذ عرض فيلم "إسماعيلية رايح جاي"، منذ سنوات.
وقال محمد هنيدي خلال لقاءه ببرنامج"حبر سري" مع الإعلامية أسما إبراهيم عبر قناة القاهرة والناس، "لا مش هجاوب، وكل سنة وأنتي طيبة، ولا فيه خلاف ولا فيه أي حاجة ومسامحين أي حد ومش عايز أتكلم في الموضوع ده".
وقد هاجم محمد فؤاد، الفنان محمد هنيدي، انا مبغيرش من حد ومتوجدش اللي انا اغير منه، اغير من هنيدي ازاي واجيبه فيلم، انفسن منه ازاي وانا اللى جايبه معايا في فيلم اسماعيلية رايح جاي".

وأضاف "اللي بيغير من صحابه ده يبقى عنده نقص، والله ما هاجمت محمد هنيدي، أنا كرهت فيلم إسماعيلية رايح جاي، لأنه خلق حالة من الكره بين الأبطال وفي الساحة الفنية كلها ولقيت فيه حروب نجوم".
واستكمل، "طلع منك يا هنيدي وتعطي ايحاء اني بغير منك يا راجل راعي العيش والملح وتعبي معاك في الفيلم ده انا كنت بصحيك من النوم علشان تيجي تمثل وابتديت تلتزم علشان انا زعلان منك لإني كنت بدفع من جيبي ومش انا المنتج".