أول تعليق من رامي صبري على حذف أغنية يمكن خير.. تفاصيل

حرص المطرب رامي صبري الرد على اتهام الفنان عمرو مصطفى له بسرقة لحن أغنية يمكن خير، من أغنيته رقصة، وذلك من خلال منشور عبر حسابه الشخصي على موقع التواصل الاجتماعي فيسبوك.

رد رامي صبري على عمرو مصطفى بالدليل

ونشر رامي صبري مقطع فيديو يوضح أن لحن أغنية يمكن خير موجود على جهازه بتاريخ 2019، وعلق عليه قائلًا: بالدليل يمكن خير لحن رامي صبري أي حد يقدر يوقف أي أغنية يوتيوب لحد لما يوتيوب يتأكد أنها ملك صاحب الأغنية.

وتابع: بس ردينا بالڤيديو علشان كمان الجمهور يعرف ويتاكد أننا مابناخدش لحن مش بتاعنا ونكتب عليه اسمنا محاربة النجاح مش الحل الحل إنك تشتغل على نفسك وتركز في شغلك وتعمل جديد علشان الجمهور يستمتع مش تحارب النجاح..

واختتم: يمكن خير من ضمن نجاحات رامي صبري وليست أولها ولا أخرها ربنا يهدي الجميع ونركز في صناعة الموسيقى بدل ما نهدها شكرا.

عمرو مصطفى يتهم رامي صبري بالسرقة

وكان قد اتهم الفنان عمرو مصطفى الفنان رامي صبري بسرقة لحن أغنيته رقصة، وذلك خلال استضافته في برنامج حبر سري وقال: أنا سبت أغنية يمكن خير لرامي صبري بمزاجي ولو عايز أشيله الأغنية من اليوتيوب هشيلها وهي نجحت عشان هي بتاعتي.

وأضاف: هو كلمني وقالي معلش عشان خاطري شكلي مش حلو وقالي أي كلام في أي حاجة وأنا عديتها بمزاجي وهي أغنيتي وأنا سبتهاله بمزاجي ولو هو كان زود كنت هوقفه وبتاعتي نازله على اليوتيوب من سنين.

ووجه حديثه لرامي صبري قائلًا: انت سرقت لحن أغنيتي رقصة وعملت بيها أغنية يمكن خير وعايزك تثبت أن أنت عاملها من 2009 زي ما قولت.