خالد سليم: فنانين كتير خذلوني وقت مرضي والمشكلة بالفن القلة والنفسيات

كشف الفنان خالد سليم، أن بعض أصدقائه تخلوا عنه وقت مرضه، موضحًا في تجربة الفنان تامر حسني بإخراج وتأليف فيلم «بحبك».

وقال «سليم» في تصريحات تلفزيونية: "وجه نظر العين الواحدة غلط، ومش ممكن أعمل زي تامر حسني، وأنا كده هدي حقوق الناس إزاي المخرج والمؤلف، ودا غلط، ودي وجهة نظري، وما أقدرش أحكم على تامر حسني، والموضوع بشكل عام غلط، ولازم يبقى فيه آراء تانية، لازم ناس يبقى لها خبرة، ومشوفتش فيلم بحبك، وأعتقد إنه محققش نجاحات أفلام تامر".

وأضاف: "فنانين كتير خذلوني في وقت مرضي، وميهمنيش خالص، ولما مريت بالفترة دي وحصل كدا من أكثر من حد، المشكلة في الفن من قلة ونفسيات الناس، وفيه حاجات بتتحكم في مشاعرنا لا إرادية، وممكن تحصل شوية حاجات مش هتفرق معايا، مش بيقولوا أعرف صاحبك وعلم عليه، وهما عارفين نفسهم، وهما كتير ومكنتش متخيل، والناس ديه في الحاجة الحلوة مش بتقول رد فعلها، ولما الواحد وقع كلهم اتريقوا".

واحتفل الفنان خالد سليم بتخرج نجله، عبر حسابه الرسمي بموقع الصور والفيديوهات «إنستجرام»، قائلًا: "النهاردة، كان يوم مميز جدًا لي، اختلطت مشاعري بشكل غريب، بشكل عمره ما حصلي في حياتي كلها.. رغم إني ممكن في ألبوم واحد أغني أكتر من حالة ومشاعري تكون مختلفة مع كل لحن، أو إني أدخل في فيلم أو مسلسل والشخصية يكون فيها اختلاف في المشاعر في كل مرحلة".