برسالة نارية.. والد حسام حبيب يهاجم ابنه

هاجم حسين حبيب ؛ نجله الفنان حسام حبيب وذلك عبر حسابه عبر موقع التواصل الاجتماعي فيس بوك.
وكتب حسين حبيب :" اللهم أرنا في كل ظالم عجائب قدرتك ؛ وفي كل ابن عاق ظالم لابيه".

والد حسام حبيب يهاجم نجله.. حطمت زوجتك بجهلك بشرع ربنا والكل طلع كسبان يا قاطع الرحم :

وقد صرح والد حسام حبيب فى تصريحات سابقة : أنت كده مش بتحافظ على مال زوجتك أنت بتخالف شرع ربنا، والنتيجة أنهم فضحوها وقضوا على مستقبلها وزرعت العداوة بينهم وحطمت زوجتك بجهلك بشرع ربنا، ولو كنت بتسأل أبوك كان أرشدك للحق، والكل طلع كسبان يا قاطع صله الرحم وعاصي أبوك ضيعت نفسك وضيعت البنت معاك.

وتابع والد حسام حبيب حديثه: هو ينفع؟ أخوها بقاله أكتر من عشرين سنة بيراعي أخته وهي مصدر رزقه أجي أقفل عليه الحنفيه ويقعد أربع سنين من غير شغل وراجع تاني تقفل عليه الحنفيه هو وأمه وأخته وعايزه يسيبك، ياناوي على قوتي ياناوي على موتي، الزوج يتعوض الأم والأخ ما يتعوضوش، كلمه حق لوجه الله والدين النصيحة، أنت بتقول لما رجعت ليها العربيه واحد بيشتغل معاها أخد العربية اللي بـ 5 مليون وقالها هابقي اديكي بيها شغل، وواحد محاسب تعرفه قرييب شكالها حاله أعطت له 100الف دولار وخلع وأنها بتكتب شيكات للناس على بياض أنت كده بتدي مبرر لأهلها ليحجروا عليها وبتطلعها أنها سفيهه وعبيطة وأنا من معرفتي بها انها واعية وناصحة بتيجي تكحلها تعميها، اسأل أبوك يقولك تقول ايه.