صرخة سما أمام محكمة الأسرة :جوزي بخيل لما طلبت فلوس ضربني بالزجاجة أخدت 14 غرزة

تتعدد دعوى محاكم الأسرة وتختلف الأسباب، و تختلف أبطال كل قصة بين أروقة المحكمة و لكن الوجهة واحدة و نهاية النفق واحد، من بين هذه الدعوى، دعوى طلاق إقامتها سما، برأس ملوف بشاش و عباءة سوداء تقف سما إمرأة ثلاثينية أمام قاضي محكمة الأسرة بالاميرية وتصرخ طلقني منه يا سيادة القاضي راجل بخيل عليا و على أولاده فتح دماغي بالازازة كان هيموتني "الحقوني يا حكومة".

تروي سما معاناتها مع زوجها أشرف صاحب سوبر ماركت بمنطقة الأميرية قائلة:طلعت لقيت نفسي يتيمة و مفتقدة طول عمري وجود الرجل في حياتي، لما تقدم ليا أشرف ضحك عليا بكلامه المعسول "مش متعودة أسمع كلام حلو من راجل" ووافقت على الجواز منه و عملنا فرح، ومن أول يوم لينا مع بعض بيضحك عليا بكلامه اللي بينسيني الدنيا، عشنا مع بعض 9 سنين أنجبنا 3 أطفال، و طول السنين دي بعاني معاه أنا و أولاده من بخله الشديد علينا رغم أنه ميسور الحال.

وتابعت سما:كل ما كنت أطلب منه حاجه مهما كانت بسيطة، بتحصل بينا مشاجرة توصل للضرب في أحيانا كتير، بعد فترة والدتي أتوفت فبقيت يتيمة الأم والأب و كنت فاكره أنه هيكون السند والعوض من ربنا ليا، لكنه كان على العكس تماماََ، عارف إني لوحدي ويتمية وبيستغل الموضوع في ذلي واهانتي طول الوقت، تعبت من الضرب والذل معاه و معامتله ليا وبخله علينا أنا وأولاده.

واختتمت: آخر مرة بطلب منه فلوس كنت محتاجه أشتري حاجه، لقيته ضربني بإزازة فتح دماغي، أخدت 14 غرزة، خلاص مش قادرة استحمل و هو كل مدى بيتطول عليا أكتر، وتعبت من الضرب والإهانة كل يوم، لجأت للمحامية نهى الجندى و أقامت دعوى طلاق للضرر تحمل رقم 8512 بمحكمة الأسرة بالاميرية وقضت المحكمة بالطلاق.