زوج يستغيث بمحكمة الأسرة: ”مراتي هربت من أهلها بسبب الفضيحة”

"أنا اتخدعت في مراتي.. طلعت هربانة من بيت أهلها من سنين عشان تداري على الفضيحة".. بهذه الكلمات الصادمة روى شاب ثلاثيني معاناته مع زوجته الخائنة بعد اكتشافه الحقيقة التي حاولت مرارًا إخفائها.

بدأ الشاب حديثه أمام محكمة الأسرة بالتجمع الخامس قائلا: "أنا راجل اتخدعت وانضحك عليا.. مراتي كنت فاكر إني أول راجل في حياتها.. وعرفت إن كان فيه بينها وبين جارها في البلد علاقة وهربت من أهلها..كل الناس حلفت بأخلاقها قبل الجواز وطلع كله كلام كذب".

وتابع الزوج حديثه: "كل الناس كانت بتحلف بأخلاقها و تربيتها، بتساعد الصغير والكبير والناس كلها بتشكر فيها وأنها بنت أصول، عرضت عليها الجواز فوافقت فورا وعملنا الفرح بعدها وفعلا كانت ونعم الزوجة، و طلبت منها تسيب الشغل وافقت وكنا عايشين في سعادة".

وأردف الزوج: "في يوم لقيت واحد ماسك صورتها و بيسأل عليها في مكان شغلها القديم، سألته عن السبب من غير ما يعرف أنا مين و كانت الكارثة بالنسبة ليا لما قالي أنها هربت من أهلها بعد ما اكتشفوا أنها على علاقة بجارهم في البلد و والدها تعبان أوي وطالب يشوفها و هم بيدوروا عليها في كل مكان من يوم ما هربت و شوهت سمعتهم".

واختتم حديثه: "واجهتها بحقيقتها أنكرت وهربت على أختي الصغيرة على أساس أنها تحل بينا.. فهمتني أنها وحيدة و أهلها اتوفوا من فترة وصدقتها، بعد الفضيحة بقيت مش قادر أرفع راسي بين الأهل والأصحاب كلهم كلامهم جارح وأنا مش قادر استحمل، لجأت للمحكمة وأقمت دعوى طلاق للضرر والتي تحمل رقم 1092 لسنة 2022 ولم يتم الفصل بها حتى الآن'.