عاجل.. عدلي القيعي: ”الأهلي معندوش سيولة مالية”

تحدث عدلي القيعي رئيس شركة الكرة بالنادي الأهلي، عن فشل التعاقد مع مهاجم أجنبي للفريق الأول في فترة الانتقالات الشتوية الماضية.

وقال عدلي القيعي في تصريحات تليفزيونية بقناة ناديه، إن الجميع يتحدث عن ضرورة التعاقد مع مهاجم، مع أن جميع المباريات التي خسرنا بها، كنا سنفوز بها لو لم يدخل مرمانا أهداف.

وفجر عدلي القيعي مفاجأة كبيرة قائلًا: الأهلي معندهوش سيولة مالية ودي المفاجأة، عايزين ناخد فلوسنا وحقنا عشان نعرف نشتغل، آه الرعاية عدت 2 مليار جنيه بس ده في أربع سنين يعني 500 مليون في السنة والنادي مصاريفه أكتر من مليار.

وأردف رئيس شركة الكرة بالنادي الأهلي: أنا بحط ايدي في جيبي مش بلاقي مش عارف أخد مستحقاتي، والجمهور بيقول إن ده بخل وهو مش كده؛ ساعات فيه مصاريف ملهاش مبرر.

وأردف عدلي القيعي: يعقوبو أول لاعب أجنبي خلصنا فيه، ولكن فشلت الصفقة بسبب الكشف الطبي، دا لو كان اجتاز الكشف الطبي كان اتحلت مشكلة المهاجم وقتها.

وأكمل عدلي القيعي: دخلنا في صفقة موليكا واستمررنا 20 يومًا في التواصل مع نادي بشكتاش التركي، وكنا نعمل على التعاقد مع لاعب برازيلي آخر.

واختتم رئيس شركة الكرة بالنادي الأهلي: فيه ناس دخلت تبوظ الصفقة بعد الاتفاق وفجأه اللاعب ووكيله طالبوا طلبات غير منطقية وهي 700 ألف دولار كعمولة، ما هو محدش هيقدر يضغط عليا عشان أنا محتاج لاعب.