بلوجر شهيرة تستغيث: ”طليقي ضربني في الرؤية علشان قلتله سايب البنت لوحدها ليه”

نشرت البلوجر إيفون نبيل فيديو عبر صفحتها الرسمية بمواقع التواصل الاجتماعي "فيس بوك" تستغيث بمتابعيها، بعد أن تعدى عليها طليقها أثناء تنفيذ حكم الرؤية، حيث ظهر في أنفها آثار خدوش.

وقالت إيڤون في البث المباشر: "أنا اتضربت في الرؤية حد يبلغ الشرطة، لقيت بنتي مع حد غريب ووالدها سايبها في الرؤية وبيعمل علاقات اجتماعية، فقولتله البنت لوحدها ازاي تسيبها لوحدها، رد قالي ماتحسبنيش وماتعليش صوتك، اسكتي بدل ما أبوظلك وشك، ومد إيده عليا وضربني مرتين قدام الناس كلها".

وتابعت البلوجر إيفون نبيل: "إحنا جايين المكان دا عشان ننفذ حكم الرؤية وعشان هو يجيي يقضي وقت مع عياله، مش عشان أنا اتهان وانضرب قدام كل الناس، أنا مش عارفة القصة دي آخرتها إيه أنا تعبت، يا جماعة ياللي بتقولوا الرؤية دا اللي حصلي في الرؤية".

وأردفت: "بنتي كانت في مكان فوق لقيت البنت ماسكه أيد ولد متعرفوش ولقيته سايبها وبقوله طب مدام انت مش عايز تقعد معها سايبها ليه وأنا جبتله البنت علشان ينفذ الرؤية ويشوف البنت مش جايه اتهان وأنتضرب قدام الناس أنا تعبت أنا تعبت تعبت، أنا عايزة أعرف دلوقتي إيه الوضع القانوني أو الإجراء اللي أنا أعمله، المكان موبوء وكله مشاكل أدي الرؤيه أهي وفي شهود وهعمله محضر".

وظهرت الطفلة بجوارها تبكي على والدتها بعد أن تعدى عليها أبيها خلال معاتبتها له على تركها دون اهتمام، بعد أن شاهدتها تمسك يد طفل لا تعرفه حيث تعدى عليها بالضرب وأصابها بجرح في أنفها.