التريند جنن عقول بعض الناس.. أول رد من تامر حسني على هجوم أحمد أدم عليه

كشف الفنان تامر حسنى عن رأيه في هجوم الفنان أحمد أدم عليه في إحدى حلقات برنامجه بني آدم شو حيث أكد أن آدم يقدم نموذج للتريند الذي جنن عقول بعض الناس في العصر الحالي.

وكتب عبر حسابه الشخصي على الفيسبوك منشورًا نصه : أستاذ احمد آدم فعلًا بيدي درس حقيقي بيشرح فيه سمات العصر الحالي اللي كلمة تريند فيه جننت عقول بعض الناس وخليتهم يبيعوا مبادئهم وصداقتهم وامانتهم لمجرد أن الناس تعرفهم أو تتكلم عليهم ولو ليوم واحد ونسيوا انه لا يصح إلا الصحيح عشان ده عدل ربنا.

وتابع: وأي افاقين مع الوقت هتلاقيهم بيختفوا والمحترم الحقيقي هو اللي بيستمر اصل لما نهتم ونرد على كل كداب امال اللي بيحبونا نعمل معاهم ايه.

وأردف: تابعوا قلوب الناس والمواقع اللي هتاخد كلام احمد آدم السلبي وينشروه وعلموا عليهم عشان تعرفوا حقيقتهم والحقيقة أن فعلًا الكلام السلبي هو اللي انتشر، شكرًا استاذ احمد آدم لكلامك واشادتك الحقيقيه في حقي هي شهادة عظيمة من فنان محترم وكبير بفنه واخلاقه.

وكان قد كشف الفنان أحمد آدم رأيه بالأعمال التي يقدمها تامر حسني، مشيراً إلى أن أغانيه بها إسفاف وأفلامه سيئة جدًا.

وقال أحمد آدم في خلال برنامجه آدم شو المذاع على شاشة قناة الحياة: تامر حسني مين مش واخد بالي، مش كفاية عليك كدا بقا ولا إيه، أول ما طلع طلعلنا شعر صدره وقعد يمصمص في شفايفه ويسبّل للبنات.

واستطرد: وبيقدم شوية أغاني تعبانة ويعني إيه أكتر حاجة بحبها فيكي طيبة قلبك إسفاف، وأفلامه وحشه جدا، وهو اللي بيألف وبيخرج وهو اللي بيعمل موسيقى تصويرية، وهو اللي بيقطع التذاكر بيعمل كل حاجة، أنت مغني ولا كوميديان ولا أنت إيه بالظبط؟ كفاية عليك كدا.