بعد نجاح مسلسل «بالطو».. عصام عمر: سيبت أمريكا علشان أحقق ذاتي في مصر

تحدث الفنان عصام عمر، بطل مسلسل «بالطو»، عن قصة كفاحه في أمريكا، خلال فترة هجرته إليها، مُشيرًا إلى أنه عانى كثيرًا خلال رحلته.

وبحسب «عمر» خلال لقاءه مع منى الشاذلي: "أي حد عايز يحقق حاجة لازم يتعب، فأنا تعبت عشان أوصل للحاجة اللي أنا عايزها".

وأضاف: "اشتغلت وعملت كاستينج هنا، وبدأت أعمل إعلانات ثم توقفت عشان مبقاش محصور في مجال الإعلانات فقط، وقتها ما كانش معايا فلوس، وقعدت فترة مش عارف أعيش كويس وأنا ما بـ أقدمش إعلانات لكن كنت بحاول أؤهل نفسي عشان أكون ممثل كويس".

وكشف عن سفره إلى أمريكا مع الفرقة المسرحية التي كان يعمل معها، مُشيرًا إلى أنه قدم على «فيزا» لأمريكا في الفترة بين عامي 2016 و2017، وحصل عليها بالصدفة ولم يكن يمتلك -آنذاك- ثمن تذكرة أمريكا.

وقال الفنان الشاب عصام عمر: "ولظروفي الملخبطة في القاهرة، صديق لي دفع تذكرة أمريكا، وقعدت عند صديق لي في أمريكا، وملقتش شغل هناك، فكانت فترة صعبة خصوصًا أنني كنت في رمضان وكنت عايز أسدد ديوني، وما كنتش عايز أرجع القاهرة تاني لكن قلت لنفسي لو ماحققتش نفسي في مصر، مش هأعرف أحقق نفسي في أمريكا، ورجعت مصر، وبدأت أحاول أدخل المجال الفني مرة أخرى".