”الفن فاتح بيوت 14 مليون” .. فريدة سيف النصر ترد على انتقادات الجمهور

انتقدت الفنانة فريدة سيف النصر الهجوم الذي يتعرض له بعض الفنانين من قبل رواد وسائل التواصل الاجتماعي، معبرة عن حزنها لتجاهلهم تأثير الكلمات القاسية على نفوس الفنانين بالإضافة إلى عدم معرفتهم بدور القوى الناعمة في مصدر دخل لحوالي 14 مليون مصري.

ونشرت فريدة سيف النصر عبر صفحتها على "فيس بوك": "أنا زعلانة علينا كلنا أوي، المصريين أحلى وأطيب وأجدع من كده بكتير، خفة دم وكرم وذوق، إيه اللي حصل؟"، متسائلة: "ليه بنستخبى ورا شاشات وننزل نحر رقاب بعض، الكلمة القاسية بتذبح بقينا نكديين ما نعرفش نفرق بين جد وهزار كله عايز يتخانق مع كله، إيه ده؟".

وقالت: "كل يوم يعاملوك بوش أو حسب المصلحة، في إيه بعض الناس ماسكين الفنانين وكأن في تار بلا أسباب دي عجزت ودي كرمشت ودي غيرت دينها وده دمه تقيل وده كبر في السن لكن بيغني وده بيرقص كونغرو وده اتكسح ودي روحي موتي كفاية، مالكم في إيه بجد هما الناس دي ما أسعدتكمش أعمالهم فترات من الزمن، طيب بلاش أنت ما بتحبيش فلان غيرك بيحبه، في إيه يا جماعة تحسوا مخطط لهدم الفنانين، القوى الناعمة اللي فاتحين بيوت 14 مليون.. متخيلين".

وتابعت: "كل المهن شغالة معانا تحت إيديهم كام عامل وأسطى كل واحد فيهم عنده أهل وزوجة وأطفال وفي اللي جوز ولاده وعندهم بيوت مفتوحة، بتحاربوا تمن عدد البلد في أكل عيشهم، اقروا كده المسلسل بيكتب ناس قد إيه شغالة في العمل شوفوا وقولولي".

واختتمت فريدة حديثها قائلة: "كفاية هدد في الفن، الوحش انقدوه بأدب والكويس شجعوه، إنما تهزأوا فنانين كبار ليه يعني، على فكرة أنا عارفة إنها لجان مستهدفة الفن المصري والفن عموما ما هو العربي بيصب هنا، هاه قررتوا إيه، هانشتم من ورا الشاشة ولا هنقول كلام نصح حلو يا باشا".