السيسي:كفاية طبق واحد في رمضان المهم نشوف بعض

تطرق الرئيس عبد الفتاح السيسي للحديث عن العادات والسلوكيات الرمضانية وخصوصا عادات الطعام قائلا، محتاجين واحنا داخلين على شهر رمضان لو سمحتم حطوا طبق واحد والطبق ده فيه فراخ أو نوع آخر.. كفاية أننا نشوف بعض الدول مش بتتعمل بالأمانى والأحلام لكن بالجهد.

واستكمل السيسي، إحنا معندناش مشكلة .. انزلوا عبوا واعملوا اللى عايزينه لسه الجيش منزل 2 مليون كرتونة وممكن ينزل 20 مليون كرتونة.

وأضاف السيسي خلال كلمته في احتفالية يوم المرأة المصرية والأم المثالية اليوم، انا محتاج اتكلم اليوم عن مشروع قومى لزيادة حجم قدرتنا على تخزين القمح لتصل إلى 5.5 مليون طن.

وأكد السيسي، معندناش مشكلة في أى سلعة أساسية ولا أي شئ كل حاجتنا موجودة بفضل ربنا، يعنى ايه دولة فيها 100 مليون دى مش حاجة بسيطة بمعنى أن أول ماالسفينة توصل بالقمح لغاية مايبقى رغيف عيش السلسلة دى مش قليلة.