أول تعليق من إسلام عيسى عقب انضمامه لـ بيراميدز

أبدى إسلام عيسي نجم فريق بيراميدز سعادته بانضمامه إلى الفريق خلال فترة الانتقالات الصيفية الحالية.

وكتب اسلام عيسي عبر "تويتر": "اللهم لك الحمد حمدا كثيرا كما ينبغي لجلال وجهك وعظيم سلطانك .خطوة مهمة جدا ف حياتى ويارب اكون عند حسن ظن الناس إللى بتحبنى وبتشجعني، نادى بيراميدز منظومة محترمة ونادى كبير طبعا، وربنا يكرمنى وأقدر أحقق معاهم بطولات".

واضاف :" بشكر إدارة النادى المصرى والجهاز الفني وجمهور بورسعيد على الفترة التي قضيتها معاهم، من احسن ايام حياتى، وبشكر طبعا اللاعيبه اخواتي المحترمين اللي عشت معاهم موسم ونص، ربنا يكرمهم الفترة الجاية، ويقدرو يحققوا بطولات النادى المصرى.. وبشكر طبعا نادى النصر بيتى اللى اتربيت فيه".

واستطرد:" بشكر اهلى طبعا في المقام الأول بعد ربنا على كل حاجة عملوها معايا وعلى وقفتهم جمبى ومساندتهم ليا.. بشكر كل واحد بيشجعنى وبيساندنى وعاوزنى ابقى حاجة كبيرة . بشكر ربنا طبعا على كل حاجة حلوة بتحصل لي" .

وأكمل :" الحمد لله ان انا كنت اغلى صفقه ف تاريخ النادى المصرى اشتراها ب ١٠ مليون واغلى صفقه النادى المصرى باعها واغلى صفقه ف تاريخ نادى النصر باعها .

واختتم :" اتمنى من ربنا تكون بداية حياة جديدة وسعيدة وموفقة ليا ولنادى بيراميدز وربنا يكرمنى الفترة إللى جية بإذن الله وتكون فترة ناجحة ان شاء الله. شكرا للنادى المصرى وجمهوره العظيم ." 

وجاء توقيع اللاعب، بعد مفاوضات قادها المهندس ممدوح عيد المدير التنفيذي، ومعه عمرو بسيوني مدير التعاقدات، لإتمام الصفقة، لدعم صفوف الفريق بها.

التعاقد مع إسلام عيسى جاء لتعويض رحيل البرازيلي كينو إلى فريق الجزيرة الإماراتي.