عادل إمام يطالب إسعاد يونس بتغيير اسمها

نشرت الإعلامية إسعاد يونس منشور على صفتها الرسمية على موقع التواصل الاجتماعي «فيسبوك»، في حب الزعيم عادل إمام بعد مكالمة مفاجأة لها طالبها من خلالها بتغيير اسمها من إسعاد يونس إلى «إسعاد مصر».

وكان المنشور كالآتي :" الموبايل بيرن .. أيه النمرة دي؟، ده الأستاذ، و النعمة هو، الزعيم عادل إمام بذات نفسه، يا حلوللي". 

- آلو، معقولة؟، التليفون نور يا زعيم
- يا إسعاد
- نعم يا أستاذ
- أنا عايزك تغيري اسمك
- أنت تؤمر يا أستاذ يا حبيبي، أخليه إيه؟
- تخليه إسعاد مصر 
- يارب يخليك يا حبيبي ، ( مخضوضة و صوتي بيحشرج بالعياط )
- بتكلم بجد، أنتي ما بقيتيش إسعاد يونس، أنتي بقيتي إسعاد مصر.
- ( عياط ).

- أنا ما بفوتلكيش حلقة يا إسعاد، أنتي بتسعديني و بتسعدي مصر كلها.

وأضافت :" بقية الكلام جميل و رائع و مختلط بدموعي بجد، يا حبيبي يا حبيبي يا حبيبي، مش عارفة أقول حاجة غير كده، و مش عارفة أقول حاجة تاني لحد دلوقتي، كبيره منك يا كبير، ربنا يخليك ليا و يبارك في كل لحظة في عمرك، بحبه يا ناس حب بحجم موهبته وكاريزمته و صموده و بكل دقيقة من سنين العشرة الطيبة الجميلة". 

يذكر  أن الفنان عادل إمام شارك في الموسم الرمضاني الماضي بمسلسل "عفاريت عدلي علام" وشاركه البطولة غادة عادل، ومي عمر، ورشوان توفيق، وكمال أبو رية، وأحمد حلاوة، وشريف حلمي، وطارق النهري، ومصطفي أبو سريع، ولطفي لبيب، وعزت أبو عوف، وهو من تأليف يوسف معاطي، ومن إخراج رامي إمام.