“بيريل” تحذف إعلانًا مسيئًا للجيش المصري

نشرت الصفحة الرسمية لمشروب الشعير “بيريل” إعلانا حول الحصول على شهادة الإعفاء من الجيش تحت عنوان “الحلم والفرحة اللي متتوصفش”، ولاقى الإعلان ردود فعل سلبية، وأعتبر البعض أن الإعلان هو تحريض ضد التجنيد في الجيش المصري، ووصل إلى مطالبة البعض بمقاطعة منتجات الشركة.

قال أحدهم “علي فكره مش رجوله دي ولا حاجه انك تفتخر بحاجه فاشله المفروض انك تعمل شهاده تانيه فيها تاديه الخدمه بقدوه حسنه وتكتب عليها حلم الرجال انا الحمد لله قضيت خدمتي ظابط احتياط في الشرطه العسكريه 3 سنوات افتخر بيها العمر كله يا بتاع الفرحه والحلم”. وقال آخر :” عيب دانتو شعاركو استرجل والجيش للرجاله.”

وأضاف ثالث: ” الي قال كده كداب علشان الجيش المصري مصنع الرجال وحلم كل راجل فينا انو يدافع عن بلدو مش ياخد اعفاء.”، وقال آخر :” لو كنت راجل صحيح ماكنتش تهرب من الرجوله الحقيقية #قاطعوا_شركة_الاهرام_للمشروبات.”
وأضاف خامس: ” يعني ده بدل ما تعملوا إعلان #استرجل_و_ادخل_الجيش!!! ..حقيقي شركتكم نزلت من نظري و حبطل اشتري المنتج بتاعكم من النهارده.”

وقامت بيريل بالرد على بعض التعليقات حيث قالت لأحدهم: ” الجيش رجولة بس متنكرش فرحتك لو اخذت اعفاء !
وبعد كم التعليقات السلبية، والهجوم الذي طال الشركة اضطرت “بيريل” لمسح الإعلان من على الصفحة الرسمية على الفيس بوك