سميح ساويرس: «وزير التعليم مش عارف حاجة زي اللي قبله»

كشف المهندس سميح ساويرس رئيس شركة أوراسكوم القابضة للتنمية، إنه اجتمع عدة مرات مع وزير التعليم السابق، للتفاوض حول بناء عدد من المدارس، ولكن توفير الأراضي كان العائق الرئيسي، مضيفًا: «الهلالي الشربيني الوزير الحالي مش عارف أزمة المدارس ومش عارف إنه هيواجه صعوبات في جمع الأراضي زيه زي الوزير اللي قبله مش عارفين حاجة وأنا عارف أكتر منهم».

وأضاف «ساويرس»، خلال مداخلة هاتفية ببرنامج «هنا العاصمة»، المذاع عبر فضائية «سي بي سي»، تقديم الإعلامية لميس الحديدي، أن وزير التربية والتعليم يتجاهل تجارب السابقين في ملف بناء المدارس، موضحًا أنه يريد من القطاع الخاص الإنفاق على بناء المدارس ثم تحدد الحكومة موعد الربح.

ووجه حديثه لوزير التعليم قائلًا: «ريح نفسك مفيش حد من المستثمرين أو بتوع القطاع الخاص هيسيب نفسه تحت رحمة الحكومة عشان تحددله هيكسب إمتى وإزاي».