بالفيديو.. هالة فاخر: «اللي هاينزلوا 25 يناير الشعب هايوريهم»

أشادت الفنانة هالة فاخر ، بالرئيس عبدالفتاح السيسي، معتبراه أنه بطل أرسله الله علينا للقضاء على جماعة الإخوان المسلمين وحكم المرشد.

وعددت «فاخر»، في برنامج «أيها السادة انتبهوا» على قناة «الحياة»، مساء الاثنين: «ربنا بعتلنا وأرسل الله لمصر بطلًا أنقذها من حكم المرشد، وعبر بها لبر الأمان، ومر عام على حكم الرئيس عبدالفتاح السيسي شاهدنا إنجاز قناة السويس بأموال المصريين من غير ما نستلف أي مليم، ومشروع الألف مصنع اللي هايشغل مليون شاب، ومشروع المليون فدان واكتشاف أكبر حقل غاز في العالم، ومشروع أول محطو نووية مصرية هتحللنا للأبد كل مشاكل الطاقة، وشوفنا مصر عضو في مجلس الأمن، ولسه هنشوف أكتر أن شاء الله».

وأضاف: «في ناس عامية ومش بيشوفوا إنجازات الرئيس، ومصر هتتقدم، وربنا حافظ البلد، دي، ومن لا يتمنى الخير للبلد، أقولهم (نقبكم هيطلع على شونة)، وربنا هينجي البلد، دي لأنها السيسي رئيسنا اللي أحنا بنحبه وأخترنا بقلبنا قبل عقلنا، ومحدش بيشك في وطنيته، ولما بيقولنا نستحمل شوية بنصدقه عشان بنحبه».

وتابعت: «اللي عايز يجرب النزول في 25 يناير يقرب، واللي عايز ينزل هيشوف رد الفعل مش من الشرطة والقوات المسلحة، ولكن من الشعب، واللي هينزلوا الشعب هيوريهم».