.png)
طالبة رابعة ابتدائى بعد لقاء «السيسى»: «شيك ونشيط وطيب ومبتسم»
«الرئيس السيسى نشيط جداً يا ماما، بيتحرك بسرعة وعلى طول مستعجل، لدرجة إنه بينط الـ3 سلمات فى سلمة واحدة»، بصوتها الطفولى وبكثير من الاندهاش أخذت الطفلة ريتاج الشابورى، خلال حديثها مع والدتها، فى قص كواليس لقائها مع الرئيس عبدالفتاح السيسى، خلال حفل إطلاق إشارة البدء لمشروع شرق التفريعة ببورسعيد، كجزء من تنمية محور قناة السويس.
الطفلة التى رشحت من جانب مدرستها لحضور الافتتاح ضمن عدد من الأطفال، لم تتخيل وعائلتها يوماً ما أن تقابل رئيس الجمهورية: «الناس بتقول إن اللى بيقابلوا الرئيس أغنياء فقط، وكل دا كدب، إحنا لآخر لحظة ماكناش نعرف إن البنت هاتقابل الرئيس»، تتحدث والدة «ريتاج»، وأشارت إلى أن اللقاء جاء بناء على مخاطبة أرسلتها وزارة التربية والتعليم إلى بورسعيد لترشيح أطفال ليكونوا موجودين خلال حفل استقبال عدد من الشخصيات المهمة الذين لم تتم تسميتهم حتى اللحظات الأخيرة، وتم ترشيح عدد كبير اختار من بينهم المخرج مجدى الهوارى قرابة الـ30 طفلاً.
مراقبة دقيقة لكل الحركات والإيماءات قامت بها «ريتاج»، الطفلة الوحيدة التى صافحت الرئيس وتحدثت إليه، تقول: «اتكلم عننا وقال إن المشروع لينا ولكل الأجيال الجاية، وفرحت أوى»، تتذكر كلماته إليها: «مكانى كان وراه، بس أول ما التفت، مديت إيدى عشان أسلم عليه، ماكسفنيش، قال لى إزيك يا حبيبتى، قلت له إحنا بنحبك، طبطب عليا وقال المشروع ده ليكم انتو».
«ريتاج» طالبة الصف الرابع الابتدائى وصفت الرئيس «السيسى» بـ«الشخصية الطيبة»: «هو طيب، بس كان حازم جداً خلال التحضيرات قبل الكلمة اللى قالها، وكان عمّال يكلم المسئولين اللى حواليه بشكل قوى، لكن معانا كان طيب جداً وعلى طول مبتسم».
.jpg)
.jpg)
.jpeg)
