بالفيديو.. «القرموطي» يتلو وصيته ويبكي على الهواء

ظهر الإعلامي جابر القرموطي ، بالزى العسكري، خلال حلقة برنامجه «مانشيت» على قناة «أون تي في»، الثلاثاء، بمناسبة ذكرى انتصار أكتوبر، وتلا وصية على الهواء إلى الرئيس السيسي والشعب.
وقال «القرموطي»: «مصر مهما نقول ومهما نعيد،، البلد دي تستحق مننا كتير من أول رئيس الجمهورية لحد أصغر مواطن».
وتابع: «أي مواطن على أرض هذه البلد خلوا بالكم منه، بلدنا مش مجرد مساحة ولا سكان، بلدنا تاريخ عرق ومش محتاج بس دفاع الجيش والشرطة لكن محتاج دفاعنا احنا كمان، لو حطينا في اعتبارنا قوة وأهمية واحترامنا لبلدنا أكيد هننتصر وهنعمل كل يوم أكتوبر».
وأردف:«ماعملناش أي حاجة اقتصادية كبيرة يلمنا قبل قناة السويس، مكنش فيه مشروع قومي يلمنا، ربنا يجعل أيامكم كلها أكتوبر، أقول لكل جندي وضابط وقائد استشهد في هذه الحرب لك منا كل التحية ربنا يرحمك ويدخلك الجنة ويصبر أهلك ويباركلك في أولادك وتكون الدولة تقدر توفيك اللى بذلته على أرض المعركة».
وتابع باكيًا: «يا سيادة الرئيس كتر خيرك في الأيام اللى فاتت وأرجوك عيد النظر في أسماء الناس اللى موجودة في السجون، بحق هذا اليوم والتكليف اللى أخذته من الشعب الذي أحاطك وأعطاك ثقته».