الفنانة زينة تحتفل بمرور عامين على توأمها من أحمد عز

احتفلت النجمة زينة بعيد ميلاد توأمها من الفنان أحمد عز وهما "عز الدين وزين الدين"، من خلال صفحتها الشخصية على مواقع التواصل الاجتماعى "فيس بوك"، و"إنستجرام" قائلة: "زى النهارده من سنتين كان أحلى يوم فى حياتى يوم ما اتولد أحلى ولدين فى العالم.. يارب بارك فيهما واحفظهما وارزقنى برزقهما.. أحمدك يا رب وأشكرك على كل نعمك أنت كريم أوى يارب الحمد لله.. وربنا يباركلك لكم فى أولادكم.. وكل سنة وأنتم طيبين يا حبايب قلبى يا أولادى ربنا ما يحرمنى منكم".

وتابعت زينة بنشر صورة أخرى وهى تحمل توأمها عقب خروجها من المستشفى قائلة: "زى دلوقتى فى نفس التوقيت ده بالظبط من سنتين دخلت أولد أحلى نعمة فى حياتى الحمد لله يارب.. وبعد معاناة ربنا بس اللى يعلم بيها بعد الولادة بخمس شهور خرجنا من المستشفى الحمد لله.. والصورة دى وإحنا خارجين من المستشفى إحنا التلاتة ودى الممرضة بتاعتهم.. لو فضلت أشكر ربنا طول عمرى مش ها يكفى يارب".

يذكر أن محكمة الأسرة بمدينة نصر برئاسة المستشار رفيق السعدى وعضوية المستشارين هشام البنا وأحمد مأمون قضت بإثبات نسب توأم الفنانة زينة لوالدهما الفنان أحمد عز، بعد صراع فى المحاكم لأكثر من عام ونصف.