فيديو.. سعيد طرابيك: «زوجتي السابقة استغفلتني.. وابني رفض يدخلني البيت»

قال الفنان سعيد طرايبك، إن زوجته السابقة لم تكن على مستوى المسؤولية، مضيفًا: «قعدنا 15 سنة متجوزين، واكتشفت أنها استغفلتني».

وأضاف «طرابيك»، في حواره ببرنامج «الستات ميعرفوش يكدبوا» على قناة «سي بي سي»،أمس الأحد: «الست اللي أنا كنت متجوزها كانت مش على مستوى المسؤولية، استغفلتني، كنت بديها فلوس تحطها في البنك، فتحطها باسمها، غدرت بيّ، سلوكها غريب، وفجأة في النهاية كل الفلوس حاطاها بإسمها وكان بقالها 15 سنة متجوزها».

وأضاف أن نجله حدث منه «موقف غريب جدا وبشع»، بحسب وصفه، موضحا أنه «بسبب المشاكل الأسرية رميت عليها اليمين (زوجته) ونزلت كعادتي قعدت في السيدة، وراجع علشان أتسحر لقيت مفاتيح البيت مش بتفتح، فخبطت، لقيت ابني رفض إدخالي البيت، وقاللي مش إنت طلقت أمي مش هفتحلك ودا ابني الوحيد».